Mar is féidir faisnéis a fháil faoi na hAchtanna um Shaoráil Faisnéise

Faisnéis Ghinearálta faoi na hAchtanna um Shaoráil Faisnéise

Ní mór na hiarratais a dhéanamh i scríbhinn agus a rá go bhfuiltear ag iarraidh na faisnéise faoi na hAchtanna um Shaoráil Faisnéise. Leis an rochtain a éascú, is féidir an fhoirm iniata a líonadh, dar teideal 'Iarratas ar Rochtain ar Thaifid faoi na hAchtanna um Shaoráil Faisnéise, 1997 go 2003’. Tabhair gach eolas is féidir le go bhféadfaidh an fhoireann an taifead a aithint. Bí cinnte go gcuireann tú an táille cheart leis an iarratas, mar a leagtar amach iad ina dhiaidh seo. Más deacair duit na taifid áirithe úd a aithint atá ag teastáil uait, cuideoidh baill foirne na hoifige go lántoilteanach leat an t-iarratas a ullmhú.

Tá iallach ar an mBord freagra a thabhairt ar an iarratas laistigh de cheithre sheachtain. Ní mór na hiarratais a admháil laistigh de choicís.

Faoi na hAchtanna um Shaoráil Faisnéise, tá gach duine i dteideal a iarraidh ar an mBord go dtabharfadh sé faisnéis dó atá ina sheilbh agus nach bhfuil le fáil go poiblí aon áit eile. Tá gach duine i dteideal:

• teacht ar na taifid atá i seilbh an Bhoird,
• aon fhaisnéis phearsanta a bhaineann leis agus atá i seilbh an Bhoird a cheartú , ma tá a leithéid míchruinn, neamhiomlán nó míthreorach,
• teacht ar na cúiseanna a bhí ag an mBord le cinntí a bhaineann go díreach leis.

Tagann na taifid seo a leanas faoi raon na nAchtanna:

• gach taifead a baineann le faisnéis phearsanta atá i seilbh an Bhoird, cuma cén uair a cruthaíodh é,
• gach taifead eile a cruthaíodh ón dáta ar tháinig na hAchtanna um Shaoráil Faisnéise i bhfeidhm, (is é sin 21 Aibreán, 1998),
• aon taifead eile atá riachtanach leis an taifead reatha a thuiscint.

Ní bhaineann an ceart rochtana le "taifid díolmhaithe", atá arna sainiú sna hAchtanna.

Ní bhaineann na hAchtanna le taifid atá le fáil go poiblí cheana. Mar shampla, tá na hachomhairc a chinn an Bord le ceannach/le léamh i gcóras rochtana poiblí an Bhoird - cuir faisnéis faoi san oifig fháiltithe.

Iarratais faoi na hAchtanna um Shaoráil Faisnéise

Ba chóir iarratais ar fhaisnéis faoi na hAchtanna um Shaoráil Faisnéise a chur chuig:

Jane Gilvarry, Uas
Oifigeach Feidhmeannach Sinsearach,
An Bord Pleanála,
64 Sráid Mhaoilbhríde,
Baile Átha Cliath1.
Guthán (01) 858 8100

Facs (01) 278 2684
Ríomhphost foi@pleanala.ie

• Ní mór táille iarratais chaighdeánach €15 a chur le iarratas SF faoi Alt 7 i gcás taifid nó traifead ina bhfuil faisnéis neamhphearsanta..
• Cuirtear táille laghdaithe €10 i bhfeidhm má tá teideal ag an iarrthóir ar chárta leighis.
• Tá na hiarratais seo a leanas saor ó tháille:
  • iarratas faoi Alt 7 ar thaifead nó ar thaifid nach bhfuil iontu ach faisnéis phearsanta ag baint leis an iarrthóir.
  • iarratas faoi Alt 17 (ceart leasú a dhéanamh ar thaifid a bhaineann le faisnéis phearsanta).
  • iarratas faoi Alt 18 (ceart an duine ar fhaisnéis a bhaineann le bearta comhlachtaí poiblí a théann in éifeacht air).

Cearta Athbhreithnithe agus Achomhairc

Leagann na hAchtanna sraith díolúintí amach arb aidhm dóibh faisnéis íogair a chosaint a dhéanfadh dochar do leas an Stáit nó tríú páirtithe dá nochtfaí í. Nuair a invokes comhlacht poiblí na forálacha seo, is féidir an cinneadh a achomharc. Is féidir achomhairc freisin maidir le hiarchur na rochtana, costais, foirmeacha rochtana etc. Ag seo sonraí na meicníochtaí achomhairc:

Athbhreithniú Inmheánach

Féadfaidh tú a iarraidh go ndéanfaí athbhreithniú inmheánach ar an gcinneadh tosaigh:

• má tá tú míshásta leis an gcéad fhreagra a fuarthas, m.sh. diúltú na faisnéise, modh na rochtana, costais, etc., nó
• murar freagraíodh an t-iarratas laistigh de 4 seachtain ón iarratas tosaigh. Meastar gurb ionann é seo agus an t-iarratas a dhiúltú agus tugann sé an ceart don iarrthóir dul i gceann an athbhreithnithe inmheánaigh.

Oifigeach ar leibhéal uachtarach a chuireann an t-athbhreithniú i gcrích. Níor mhór iarratais ar athbhreithniú inmheánach a chur i scríbhinn chuig:

An tUas. Chris Clarke
Rúnaí,
An Bord Pleanála,
64 Sráid Mhaoilbhríde,
Baile Átha Cliath1.
Guthán (01) 858 8100
Facs (01) 872 2684

Ní mór a leithéid d'iarratas ar athbhreithniú inmheánach a chur isteach faoi cheann ceithre sheachtain ón gcinneadh tosaigh. Ní mór an t-athbhreithniú inmheánach a chríochnú taobh istigh de thrí sheachtain. De ghnáth ní mór an t-athbhreithniú a chríochnú sular féidir achomharc a chur faoi bhríd an Coimisinéara Faisnéise.

• Ní mór táille chaighdeánach €75 a chur le hiarratas ar athbhreithniú inmheánach faoi Alt 14.
• Cuirtear táille laghdaithe €25 i bhfeidhm má tá teideal ag an iarrthóir ar chárta leighis nó má tá sé i gcleithiúnas duine a bhfuil teideal aige ar chárta leighis.
• Tá na hiarratais seo a leanas ar athbhreithniú inmheánach saor ó tháille:
  • iarratas i leith cinnidh ar thaifid nach bhfuil iontu ach faisnéis phearsanta a bhaineann leis an iarrthóir.
  • iarratais i leith cinnidh faoi Alt 17 (ceart taifid a leasú a bhaineann le faisnéis phearsanta).
  • iarratas i leith cinnidh faoi Alt 18 (ceart an duine ar fhaisnéis a bhaineann le bearta comhlachtaí poiblí a théann in éifeacht air).
  • iarratas i leith cinnidh táille nó éarlais a éileamh, nó i leith mhéad na táille nó na héarlaise.

Athbhreithniú an Choimisinéara Faisnéise

Tar éis don athbhreithniú inmheánach a bheith curtha i gcrích, féadfaidh an t-iarrthóir athbhreithniú neamhspleách ar an gcinneadh a iarraidh ar an gCoimisinéir Faisnéise. Chomh maith leis sin, mura bhfaightear freagra ar an iarratas ar athbhreithniú inmheánach taobh istigh de thrí sheachtain, meastar gurb ionann é seo agus diúltú agus féadfaidh an t-iarrthóir achomharc a chur faoi bhráid an Choimisinéara.

Is féidir achomhairc scríofa a chur faoi bhráid an Choimisinéara Faisnéise ag an seoladh seo a leanas:

Oifig an Choimisinéara Faisnéise,
18 Sráid Líosáin Íochtarach,
Baile Átha Cliath 2.
Guthán (01) 639 5689 nó Lóghlao 1890 22 30 30
Facs (01) 661 0570 Líon www.oic.ie

Beidh a chuid cinntí siúd ceangailteach, faoi réir achomhairc chun na hArdchúirte ar phointe dlí.

• Ní mór táille chaighdeánach €150 a chur leis na hiarratais chun an Choimisinéara Faisnéise ar athbhreithniú ar chinntí a rinne comhlachtaí poiblí faoi Alt 34.
• Cuirtear táille laghdaithe €50 €10 i bhfeidhm
  • má tá teideal ag an iarrthóir ar chárta leighis nó má tá sé i gcleithiúnas duine a bhfuil teideal aige ar chárta leighis nó
  • más duine é atá arna shainiú in Alt 29(2) is é sin, tríú páirtí a bhfuil an ceart aige iarratas a chur go díreach chuig an gCoimisinéir Faisnéise má chinneann comhlacht poiblí faisnéis a bhaineann leis? a nochtadh ar mhaithe leis an leas poiblí.
• Tá na hiarratais seo a leanas chuig an gCoimisinéir saor ó tháille:
  • iarratas i leith taifead nach bhfuil iontu ach faisnéis phearsanta a bhaineann leis an iarrthóir.
  • iarratas i leith cinnidh faoi Alt 17 (ceart taifid a leasú a bhaineann le faisnéis phearsanta).
  • iarratas i leith cinnidh faoi Alt 18 (ceart an duine ar fhaisnéis a bhaineann le bearta comhlachtaí poiblí a théann in éifeacht air).
  • iarratas i leith cinnidh táille nó éarlais a éileamh de bhreis ar €25.00 faoi Alt 47, ar chuardach, athfháil agus fótachóipeáil na dtaifead (níl cinntí a bhaineann le táillí nó éarlaisí is lú ná €25 a éileamh ar chuardach agus athfháil agus/nó fótachóipeáil faoi réir athbhreithniú an Choimisinéara Faisnéise).
  • iarratas i leith cinnidh táille a ghearradh faoi Alt 47(6A), nó suim áirithe táille faoi Alt 47(6A), ar an ábhar nach faisnéis phearsanta a bhaineann leis an iarrthóir amháin atá sna taifid nó ar an ábhar nach bhfuil teideal ag an iarrthóir ar chárta leighis nó nach bhfuil sé i dtulleamaí duine a bhfuil teideal aige ar chárta leighis.

Táillí Saorála Faisnéise (Tábla)

Eolaí ar tháillí a bhaineann le hIarratais i leith Saorála Faisnéise

I bhfeidhm ón Luan 7 Iúil 2003

* Ní ghearrfar aon táille i gcás achomhairc in aghaidh cinnidh táille nó éarlais a éileamh, nó suim áirithe táille nó éarlaise faoi Alt 47 den Acht um Shaoráil Faisnéise

**Cuirfear táille laghdaithe i bhfeidhm i gcás tríú páirtithe a dhéanann achomharc in aghaidh cinnidh de chuid comhlachta phoiblí faisnéis a bhaineann leo a nochtadh ar mhaithe leis an leas poiblí

***Cuirfear táille laghdaithe i bhfeidhm i gcás daoine a bhfuil teideal acu ar chárta leighis agus a gcleithiúnaithe ach an cárt leighis a thaispeáint