Baill an Bhoird

Forálann an An tAcht um Pleanáil agus Forbairt, 2000, go gceapfar Cathaoirleach agus baill eile ar an mBord. Comhlíonann Baill an Bhoird a gcuid dualgas ar bhonn lánaimseartha feidhmiúcháin.

Mar a cheaptar Baill an Bhoird.

Is é an Rialtas a cheapann an Cathaoirleach as liosta iarrthóirí a roghnaíonn coiste neamhspleách, arb é Uachtarán na hArdchúirte a chathaoirleach, de réir Alt 105 d'Acht na bliana 2000. De ghnáth caithfidh an Rialtas duine a cheapadh as grúpa iarrthóirí, nach mó ná triúr, a roghnóidh an coiste, toisc iad a bheith oiriúnach don cheapachán, dar leis. Go hiondúil bíonn Cathaoirleach an Bhoird i seilbh oifige ar feadh seacht mbliana agus is féidir é a athcheapadh in oifig téarma eile ar chuntar gurb é an Cathaoirleach é (nó í) nuair a dhéantar an t-athcheapadh. Faoi láthair tá naonúr ball ar an mBord.

Forálann na Achtanna um Pleanáil agus Forbairt 2000 go 2011 go gceapfar naonúr ball eile ar an mBord. Is é an tAire Comhshaoil, Pobail agus Rialtais Áitúil a cheapann ochtar de na baill, as measc daoine a bheidh arna roghnú as na ceithre ghrúpa eagraíochtaí a fhorordaítear sna rialacháin, a bheidh ina n-ionadaithe ar:

Gairmeacha nó slite beatha a bhaineann leis an bpleanáil fhisiceach, an innealtóireacht agus an ailtireacht.
Eagraíochtaí a bhaineann leis an bhforbairt eacnamaíochta, leis an bhforbairt a chur chun cinn agus a chur i gcrích, le hinfreastruchtúr a sholáthar nó talamh a fhorbairt, nó a bhaineann ar bhealach eile le tionscal na tógála.
Eagraíochtaí a sheasann don rialtas áitiúil, do na feirmeoirí agus do na ceardchumainn.
Eagraíochtaí a sheasann do dhaoine ar cás leo cosaint agus caomhnú an chomhshaoil agus na gconláistí/do chomhlachtaí deonacha agus do chomhlachtaí ag a bhfuil aidhmeanna carthannacha/d'fhorbairt comhphobail na tuaithe nó na háite, d'fhorás na teanga Gaeilge nó cur chun cinn na hoidhreachta, na n-ealaíon agus an chultúir/comhlachtaí a sheasann do dhaoine faoi mhíchumas/comhlachtaí a sheasann do dhaoine óga.

Beidh an ball eile ceapaithe ag an Aire ó dhaoine ina bhfuil an tAire den tuairim go bhfuil taithí, inniúlacht nó cáilíochtaí sásúla léirithe aige/aici maidir le cúrsaí a bhaineann leis an gcomhshaol agus inbhuanaitheacht. De ghnáth bíonn na baill seo I seilbh oifige ar feadh cúig bliana agus is féidir iad a athcheapadh téarma amháin eile nó téarma eile fós ar chuntar gur ball ceanntéarma an duine áirithe nuair an dhéantar an t-áthcheapachán. I mí na Nollag, chuir an tAire Comhshaoil, Pobail agus Rialtais Áitiúil tús leis an bpróiseas ainmniúchán chun gnáthchomhalta den Bhord a cheapadh agus beidh an t-eolas is deireanaí le fáil nuair a ceapfar iad

Baill an Bhoird

Ceapadh Dr Mary Kelly mar Chathaoirleach ar an mBord sa mhí Lúnasa, 2011. Ceapadh í mar Ard-Stiúrthóir den Gníomhaireacht um Chaomhnú Comhshaoil ó mhí na Bealtaine, 2002. Tá dochtúireacht ceimice bainte amach aici ó Choláiste na Tríonóide, Baile Átha Cliath agus tá céim Mháistreáchta aici freisin i gcúrsaí Gnó ó Ollscoil Chathair Bhaile Átha Cliath. D’oibrigh Mary roimhe sin, le IBEC, an Cónaidhm Ghnólachtaí agus Fhostóirí na hÉireann, áit ina raibh sí i gceannas ar bheartas comhshaoil agus roimhe sin fostaíodh í sa Tionscal Cógaisíochta. Toghadh í mar bhall d’Acadamh Ríoga na hÉireann i 2008 agus d’fhreastail sí ar Chomhairle an Acadaimh.

Ceapadh Mary MacMahon chun an Bhoird don tréimhse 27 Samhain, 2006 go dtí 26 Samhain, 2011. Athcheapadh ar feadh tréimhse dhá bliana eile í go dtí 26 Samhain, 2013. Tá céim Máistreachta aici sa Phleanáil Baile agus Tuaithe ó Ollscoil na Ríona, Béal Feirste. D’oibrigh sí mar shainchomhairleoir pleanála san earnáil phríobháideach agus ba bhall í den Bhord Achomharc i leith Ceadúnas Dobharshaothraithe.
Ceapadh Conall Boland chun an Bhoird don tréimhse 1 Eanáir, 2007 go dtí 31 Nollaig, 2011.Athcheapadh ar feadh tréimhse dhá bhliain eile é go dtí 31 Nollaig 2013. Is céimí san Innealtóireacht Shibhialta é ó Choláiste na Tríonóide, Baile Átha Cliath agus tá DEA san Innealtóireacht Shibhialta aige ó ENS Cachan, an Fhrainc. Tá céim Máistreachta freisin aige sa Phleanáil Spásúil ó Institiúid Teicneolaíochta Bhaile Átha Cliath. Sular ceapadh chun an Bhoird é bhí sé ina Stiúrthóir Teicniúil le RPS Consulting Engineers. Is ball cairte é d'Institiúid Innealtóirí na hÉireann.
Ceapadh Fionna O’Regan ar an mBord ar feadh tréimhse cúig bliana go dtí 6 Feabhra, 2016. Is céimí san Innealtóireacht Shibhialta í agus tá céim Máistreachta san Innealtóireacht Shibhialta aici freisin, an dá chéim ó Choláiste na hOllscoile, Corcaigh. Sular ceapadh chun an Bhoird í, bhí sí ag obair ar feadh tréimhse thar deich bliana le Fehily Timoney & Company agus bhí sí ceapaithe mar Phríomh-Innealtóir san ocht mbliana is déanaí sa chomhlacht. D’oibrigh sí cheana féin leis an Oifig Eolais d’Fhuinneamh In-athnuaite mar chuid d’Ionad Fuinnimh na hÉireann, agus roimhe sin bhí sí fostaithe le comhlacht a fhorbraíonn fuinneamh in-athnuaite. Tá taithí ag Fionna le cúig bliana déag i gcúrsaí fuinnimh in-athnuaite, go háirithe forbairt tionscadail, cúrsaí pleanála, agus measúnacht tionchair timpeallachta. Is ball cairte d’Institiúid Innealtóirí na hÉireann í.

Dáta an Leasaithe Deireanaigh : 04/01/2012