Clár Oibre na hÉisteachta ó Bhéal ACP-323703-25: Ordú Ceannaigh Éigeantaigh Chomhairle Contae Shligigh (Uimh. 1) – Tionscadal Athghiniúna Champas Chathair Shligigh.
16 / 09 / 2026
| Cás | Ordú Ceannaigh Éigeantaigh Chomhairle Contae Shligigh (Uimh. 1) – Tionscadal Athghiniúna Champas Chathair Shligigh. Tailte ag Uimhreacha 10, 12, 13, 14, 15 agus 67 Sráid Holborn, Sligeach. |
| Dáta | 18 Meán Fómhair 2026 |
| Am Tosaithe | 10:00 r.n |
| Suíomh | Ar líne – MS Teams |
Clár Oibre
|
10:00 |
Oscailt na hÉisteachta ag an gCigire |
|
10:15 |
Aighneacht ó Chomhairle Contae Shligigh: |
|
10:45 |
Aighneacht ó na hAgóideoirí (Martin O’Connor agus Jim Wallace) nó óna n-ionadaí. |
|
11.15-11.30 |
Sos (15 nóiméad) |
|
11.30 |
Ceistiú idir na páirtithe (más gá) mar a leanas: |
| 12.15 | Ráitis deiridh (más gá): i. Agóideoirí ii. Comhairle Contae Shligigh [5 nóiméad ar a mhéad in aghaidh an pháirtí agus ní cheadófar aon saincheisteanna nua ná aon ábhar nua] |
| 12.30 | Dúnadh na hÉisteachta ó Bhéal ag an gCigire |
Is é cuspóir na héisteachta ó bhéal deis a thabhairt do na páirtithe uile ar mian leo déanamh amhlaidh aighneachtaí breise a dhéanamh agus deis a thabhairt don Chigire soiléiriú a lorg ar aon saincheisteanna ábhartha a thagann chun cinn agus ar aon agóidí a rinneadh. Beidh deis ag na páirtithe freisin ceisteanna a chur nó soiléiriú a lorg maidir le haighneachtaí a rinneadh ag an éisteacht.
Níl aon oibleagáid ar pháirtí ar bith aighneacht a dhéanamh ag an éisteacht ó bhéal ná ceisteanna a chur ar na páirtithe eile. Breithneoidh an Cigire agus an Coimisiún gach aighneacht i scríbhinn a fuarthas cheana. Dá bhrí sin, ní gá aighneachtaí a rinneadh i scríbhinn roimhe seo a athrá ag an éisteacht ó bhéal.
Iarrtar ar na páirtithe uile a bheith aireach ar chineál an iarratais seo agus a chinntiú go bhfuil na cuir i láthair nó na ceisteanna ábhartha do chineál an Ordaithe Ceannaigh Éigeantaigh (CPO) seo. Meabhraítear duit nach bhfuil aon ról ná dlínse ag an gCoimisiún maidir le cúiteamh a chinneadh ná a mheasúnú agus gur cheart é sin a chur san áireamh in aon aighneacht a dhéantar ag an éisteacht seo, ós rud é nach n-éascófar aon phlé maidir le cúiteamh.
Ar chríochnú na héisteachta ó bhéal, ullmhóidh an Cigire tuarascáil agus moladh maidir leis an gcás don Choimisiún. Is é an Coimisiún a dhéanfaidh an cinneadh an OPO a dhaingniú nó a neamhniú.
Féadfaidh an Coimisiún a ordú go n-íocfar ranníocaíocht i leith na gcostas le haon duine a láithríonn ag éisteacht ó bhéal, ar costais iad a thabhaigh an duine sin de thoradh láithriú ag an éisteacht. Is faoi rogha an Choimisiúin a bheidh aon íocaíocht. Ba cheart aon iarratas ar chostais a dhéanamh i scríbhinn chuig an gCoimisiún laistigh de thrí seachtaine ó dháta na héisteachta seo.
Má tá sé ar intinn agat cóip scríofa de d’aighneacht a sholáthar nó áiseanna amhairc a úsáid agus tú ag labhairt (cuir i láthair, léarscáileanna, grianghraif, etc.), ba cheart iad sin a chur faoi bhráid an Choimisiúin i bhformáid dhigiteach 3 lá oibre ar a laghad roimh ré sula nglacfar páirt san éisteacht (agus coinneofar ar chomhad an cháis iad tar éis na héisteachta ó bhéal).
Déanfaidh soláthraí seirbhíse arna eagrú ag an gCoimisiún Pleanála taifeadadh ar na haighneachtaí a chuirfear i láthair ag an éisteacht ó bhéal seo. Ní cheadaítear duit imeachtaí na héisteachta ó bhéal a thaifeadadh.
Leagtar amach thíos clár oibre agus ord láithrithe na héisteachta ó bhéal, mar aon le hamchlár. Ba cheart do na páirtithe a thabhairt faoi deara gur amchlár táscach amháin é seo agus go bhféadfadh sé athrú le linn na héisteachta ó bhéal. Eiseoidh an Coimisiún Pleanála iarratas chun páirt a ghlacadh sa chruinniú don imeacht fíorúil seo ar Microsoft Teams roimh dháta na héisteachta ó bhéal.
Firefox
Safari
Chrome
Opera
Edge