Tuairimí - Bí Páirteach

Tuairim maidir le hachomharc pleanála reatha

Féadfaidh aon duine, seachas an t-iarratasóir, an t-údarás pleanála nó an t-achomharcóir, tuairim a thabhairt maidir le hachomharc pleanála reatha. Is é is achomharc pleanála ann ná athbhreithniú ar an gcinneadh bunaidh ar iarratas pleanála arna dhéanamh ag údarás pleanála. Féach anseo chun treoir shonrach a fháil faoi thuairimí a thabhairt maidir le hachomhairc phleanála.

Tuairim maidir le hachomharc pleanála reatha: Cuir isteach ar líne anseo
 

Tuairim maidir le hiarratas ar fhorbairt bonneagair straitéisigh (FBS)

Féadfaidh aon duine, seachas an t-iarratasóir, tuairim a thabhairt maidir le hiarratas ar fhorbairt bonneagair straitéisigh. Is ionann iarratais ar fhorbairt bonneagair straitéisigh agus iarratais ar chead pleanála a dhéantar go díreach chuig an gCoimisiún Pleanála i leith mórfhorbairtí bonneagair de chuid údarás áitiúil agus daoine eile. Samplaí d’fhorbairtí bonneagair straitéisigh is ea mótarbhealaí, línte iarnróid, píblínte, aerfoirt, calafoirt, agus mórshaoráidí amhail ospidéil.Féach anseo chun treoir shonrach a fháil faoi thuairimí a thabhairt maidir le forbairtí bonneagair straitéisigh.

 Tuairim maidir le hiarratas ar fhorbairt bonneagair straitéisigh: Cuir isteach ar líne anseo

Tuairim maidir le hIarratas Muirí

Féadfaidh daoine den phobal tuairimí maidir le hiarratas muirí reatha a chur isteach ar líne trínár dtairseach thiomnaithe aighneachtaí nó le casadh an phoist. Féach anseo chun treoir shonrach a fháil faoi thuairimí a thabhairt maidir le hiarratais mhuirí.

Tuairim maidir le hIarratas Muirí: Cuir isteach ar líne anseo

Tuairim maidir le hachomharc i leith forbairt chónaithe mhórscála
(FCM)

 

Féadfaidh aon duine, seachas an t-iarratasóir, an t-údarás pleanála nó an t-achomharcóir, tuairim a thabhairt maidir le hachomharc reatha i leith forbairt chónaithe mhórscála. Is é is achomharc i leith forbairt chónaithe mhórscála ann ná athbhreithniú ar an gcinneadh bunaidh ar iarratas pleanála ar fhorbairt chónaithe mhórscála arna dhéanamh ag údarás pleanála. Samplaí de chásanna FCM is ea forbairtí a bhfuil 100 teach nó níos mó i gceist leo, forbairtí a bhfuil aonaid chóiríochta do mhic léinn i gceist leo, agus forbairtí a bhfuil meascán de thithíocht agus de chóiríocht do mhic léinn i gceist leo.Féach anseo chun treoir shonrach a fháil faoi thuairimí a thabhairt maidir le Forbairtí Cónaithe Mórscála (FCM).
Tuairim maidir le hachomharc i leith forbairt chónaithe mhórscála: Cuir isteach ar líne anseo