Cásanna Eile

Cásanna faoi na hAchtanna um Rialú Foirgníochta

Féadann An Coimisiún Pleanála achomhairc a fháil ar roinnt cinntí faoi na hAchtanna um Rialú Foirgníochta.

• Deimhniú Sábháilteachta ó Dhóiteán
• Deimhniú leasaithe Sábháilteachta ó Dhóiteán
• Deimhniú Tabhairt chun Rialtachta
• Teastas Rochtana do Dhaoine faoi Mhíchumas
• Teastas Rochtana leasaithe do Dhaoine faoi Mhíchumas
• Cinneadh dispeansáide
• Cinneadh maolaithe

Acomhairc agus cásanna eile faoin Acht um Pleanáil agus Forbairt.

Chomh maith le hachomhairc faoi alt 37 den Acht Pleanála agus Forbartha, déileálann An Coimisiún Pleanála le hachomhairc agus cásanna eile faoin Acht Pleanála agus Forbartha

• Cinneadh ceadúnais a achomharc i gcás fearas, cáblaí, comharthaí, troscán sráide nó míreanna eile ar bhóithre poiblí (Alt 254)
• Achomhairc eile faoin Acht um Pleanáil agus Forbairt (mar Scéimeanna Crios Forbartha Straitéisí)
• Cásanna eile faoi na hAchtanna um Pleanáil agus Forbairt

Tarchuir

Baineann an príomhchineál tarchuir le ceisteanna, in aon chás ar leith, maidir le cad is forbairt ann nó cibé an bhfuil nó nach bhfuil sé díolmhaithe mar fhorbairt de réir bhrí na nAchtanna um Pleanáil agus Forbairt.

Tá tarchuir difriúil ó chineálacha cásanna eile a chuirtear faoi bhráid An Coimisiún sa mhéid is go socraíonn cinntí sna cásanna seo fasaigh a bhfuil tionchar díreach acu ar chásanna ina dhiaidh sin. Is díol suntais iad don phobal, d’fhorbróirí agus dá ngníomhairí atá ag smaoineamh ar fhorbairt a dhéanamh ar gá nó nach gá cead pleanála ina leith.

Is féidir féachaint ar na cineálacha tarchuir a dhéantar chuig An gCoimisiún Pleanála.

Achomhairc ar Cheadúnais Truaillithe Uisce

Pléann An Coimisiún Pleanála le hachomhairc ar cheadúnais truaillithe uisce faoi na hAchtanna um Thruailliú Uisce 1977 agus 1990 agus faoin Acht um Sheirbhísí Uisce 2007.

Achomhairc in aghaidh an Tobhaigh Láithreán Folamh

Pléimid le hachomhairc ar ghnéithe den tobhach láithreán folamh faoin Acht um Athghiniúint Uirbeach agus Tithíochta 2015.

 

Forbairt Chónaithe ar Mhórscála

Tugadh an próiseas forbartha cónaithe mórscála isteach an 17 Nollaig 2021 chun áit an phróisis forbartha tithíochta straitéisí a ghlacadh. 

Leis an bpróiseas forbartha cónaithe mórscála, athbhunaítear an próiseas pleanála dhá chéim, áit a dtagann an chinnteoireacht i leith iarratais forbartha cónaithe mórscála faoi shainchúram an údaráis áitiúil pleanála ar an gcéad ásc an athuair agus a bhfuil ceart ann chun achomharc a dhéanamh chuig an Choimisiún Pleanála, ina dhiaidh sin.

Tionscadail Leasa Choitinn

Is é An Coimisiún Pleanála an t-údarás inniúil maidir le Tionscadail Leasa Choitinn (TLC) faoi Rialachán 374/2013 na hEorpa ar Threoirlínte maidir le bonneagar fuinnimh tras-Eorpach.

D'ullmhaigh An Coimisiún Pleanála Lámhleabhar um Nósanna Imeachta Próisis Deonaithe Ceadanna faoi airteagal 9 de Rialachán 347/2013 ar Threoirlínte maidir le Bonneagar Fuinnimh Tras-Eorpach.  

Féadfaidh tú féachaint ar thionscadail reatha agus iar-thionscadail sa phróiseas toilithe.

 

Cairéil

Tá feidhmeanna áirithe ag An gCoimisiún Pleanála maidir le cairéil

Toiliú Ionaid

Déantar iarratas ar thoiliú ionaid go díreach chuig An gCoimisiún Pleanála ag iarraidh ceada maidir le forbairt a rinneadh cheana féin nuair ba chóir Measúnú Tionchair Timpeallachta, Cinneadh maidir le Measúnú Tionchair Timpeallachta agus / nó Measúnú Oiriúnachta a dhéanamh, measúnú nó measúnuithe nach ndearnadh.

Forbartha Tithíochta Straitéisí