Forbairt Chónaithe ar Mhórscála

Eolas faoi Fhorbairtí Cónaithe ar Mhórscála.

Tugadh an próiseas forbartha cónaithe mórscála isteach an 17 Nollaig 2021 chun áit an phróisis forbartha tithíochta straitéisí a ghlacadh. Leis an bpróiseas forbartha cónaithe mórscála, athbhunaítear an próiseas pleanála dhá chéim, áit a dtagann an chinnteoireacht i leith iarratais forbartha cónaithe mórscála faoi shainchúram an údaráis áitiúil pleanála ar an gcéad ásc an athuair agus a bhfuil ceart ann chun achomharc a dhéanamh chuig an mBord Pleanála ina dhiaidh sin.

Déanann an Bord breithniú ar achomhairc forbartha cónaithe mórscála faoi alt 126. Foráiltear le halt 126A agus le halt 126B de phríomh-Acht 2000 do chreataí ama éigeantacha ina ndéanfaidh an Bord cinneadh ar achomhairc forbartha cónaithe mórscála. 

Tá cineál na bhforbairtí cónaithe mórscála cosúil leo sin dá bhforáiltear faoin gcóras forbartha tithíochta straitéisí (100 teach nó níos mó, 200 spás leapa do chóiríocht mac léinn nó níos mó, nó 200 spás leapa d’aonaid chóiríochta comhroinnte nó níos mó).
 

Tuairim a thabhairt ar iarratas ar Fhorbairt Chónaithe ar Mhórscála.

Is ionann tuairim agus do dhearcadh a thabhairt ar achomharc bailí chuig an mBord Pleanála.

Féadfaidh duine ar bith tuairim a thabhairt más amhlaidh nach rannpháirtí san achomharc iad cheana féin. Ní féidir tuairim a thabhairt ach amháin má tá achomharc bailí déanta ag duine éigin ar chinneadh údaráis pleanála ar iarratas pleanála.

Treoir FCM

Foirm Thuairime