Paul Reid

Paul Reid

Cathaoirleach

Tá Paul ina chathaoirleach boird agus stiúrthóir neamhfheidhmiúcháin seanchleachta. Ceapadh é mar Chathaoirleach ar Bhord Rialaithe an Choimisiúin Pleanála an 18 Meitheamh 2025.

Tá Paul ina Chathaoirleach ar Bhord Ashdale Care freisin, ar sainsoláthraí seirbhísí cúraim cónaithe do leanaí agus do dhaoine óga é, agus ceapadh é mar Chathaoirleach Neamhspleách ar Eagraíocht na hÉireann um Fhíorú Cógas (IMVO) i mí an Mhárta 2026.
Roimhe sin, bhí sé ina Stiúrthóir Neamhfheidhmiúcháin ar Uisce Éireann, údarás uisce náisiúnta na hÉireann.

Bhí Paul ina Chathaoirleach Neamhspleách ar an Tionól Saoránach um Dhrugaí idir na blianta 2023 agus 2024. Roimhe sin, shealbhaigh sé róil mar Phríomhoifigeach Feidhmiúcháin agus mar fheidhmeannach sinsearach san earnáil phríobháideach, san earnáil neamhbhrabúis, san earnáil rialtais láir, san earnáil rialtais áitiúil agus san earnáil sláinte.  

Bhí Paul ina Phríomhoifigeach Feidhmiúcháin ar Fheidhmeannacht na Seirbhíse Sláinte, seirbhís sláinte na hÉireann, ó mhí na Bealtaine 2019 go mí Eanáir 2023.  Sa tréimhse sin, stiúir sé an tseirbhís sláinte le linn phaindéim dhomhanda Covid-19 agus le linn cibirionsaí a d’fhéadfadh a bheith tubaisteach. D’imir sé ról lárnach maidir le comhairle sláinte poiblí a chur in iúl don rialtas agus don phobal i gcoitinne, agus bhí sé i gceannas ar chur chun feidhme rathúil an chláir vacsaínithe lena raibh an glacadh is mó ar domhan.  

Ón mbliain 2014 go dtí an bhliain 2019, bhí sé ina Phríomhfheidhmeannach ar Chomhairle Contae Fhine Gall, ceann de na hÚdaráis Áitiúla is mó sa stát.

D’oibrigh Paul mar Phríomhoifigeach Oibríochtaí sa Roinn Caiteachais Phoiblí agus Athchóirithe idir na blianta 2011 agus 2014.  Bhí sé freagrach as sraith iomlán athchóirithe a threorú ar fud na seirbhíse poiblí.  

Ón mbliain 2010 go dtí an bhliain 2011, d’oibrigh Paul mar Cheann Gnóthaí Corparáideacha le Trócaire, Gníomhaireacht na hÉireann um Chabhair Idirnáisiúnta.  
 
Roimhe sin, bhí Paul ina Stiúrthóir Feidhmiúcháin um Líonraí agus Oibríochtaí le eir. 

Sealbhaíonn Paul Máistreacht i Riarachán Gnó ó Choláiste na Tríonóide agus BA in Acmhainní Daonna agus Caidreamh Tionsclaíoch ó Choláiste Náisiúnta na hÉireann.  Fuair sé comhaltachtaí oinigh ó Choláiste Náisiúnta na hÉireann agus ó Choláiste Uí Ghríofa.