An tuairim a sheoladh chugainn ar líne

Conas is féidir liom tuairim maidir le hachomharc i leith forbairt chónaithe mhórscála a thabhairt ar líne?

Is féidir le daoine den phobal tuairimí a chur isteach ar líne tríd an leathanach cáis ar leith le haghaidh achomharc reatha i leith iarratas ar fhorbairt chónaithe mhórscála, áit ar féidir an t-uaslódálaí a rochtain. Chun an leathanach cáis iomchuí a aimsiú, féach ár saoráid cuardaigh cásanna anseo

Chun an tsaoráid uaslódála ar líne a úsáid, beidh sé riachtanach go mbeadh do thuairim comhlánaithe agat agus go mbeadh sí sábháilte agat mar dhoiciméad Microsoft Word nó mar PDF. Ní scríobhann an tsaoráid uaslódála ar líne an tuairim duit. Beidh tú in ann an tsaoráid uaslódála ar líne a úsáid chun an táille a íoc ar líne freisin. Tar éis duit do thuairim a sheoladh go rathúil, gheobhaidh tú ríomhphost á dheimhniú go bhfuaireamar í.

Conas is féidir liom an doiciméad tuairime a ullmhú?

Is féidir leat do dhoiciméad tuairime a ullmhú trí do dhoiciméad a scríobh agus trí é a shábháil ansin mar dhoiciméad Microsoft Word nó mar PDF. Má lámhscríobh tú do dhoiciméad, beidh ort é a scanadh agus é a shábháil mar PDF. Ní fhéadfaidh tú ach doiciméad amháin a uaslódáil ar líne, agus níor cheart an doiciméad sin a bheith níos mó ná 30 MB, an mhéid comhaid cheadaithe uasta.

Ainmnigh do dhoiciméad ar cheachtar de dhá bhealach:

Bealaí chun doiciméad a ainmniú	Sampla
An chásuimhir agus d’ainm féin	300000 – Ann Duine
Ainm agus suíomh na forbartha agus d’ainm féin	Town Square Project, Ballytown – John Murphy

Leid: Déan cinnte de nach mbeidh lánstad (.) ann ag deireadh ainm do dhoiciméid.

Cé na nithe a bheidh ag teastáil uaim chun an tuairim a uaslódáil ar líne?

Beidh na nithe seo a leanas ag teastáil uait sula n-úsáidfidh tú an tsaoráid uaslódála ar líne:

✔	Leagan cothrom le dáta de bhrabhsálaí Idirlín amhail: Microsoft Edge, Chrome, Firefox, agus Safari
✔	Seoladh ríomhphoist, ionas gur féidir leat an ríomhphost á dheimhniú go bhfuaireamar do thuairim a fháil.
✔	Do thuairim a bheith sábháilte mar dhoiciméad Microsoft Word nó mar PDF nár cheart a bheith níos mó ná 30 MB, an mhéid comhaid cheadaithe uasta.
✔	Mionsonraí faoin iarratas ar mian leat tuairim a thabhairt maidir leis. Seo a leanas na mionsonraí lena nglacann an t-uaslódálaí: • uimhir thagartha an údaráis pleanála ar an gclár, nó • uimhir thagartha cáis an Choimisiúin Pleanála don iarratas. (mar shampla: 300000), nó • ainm agus suíomh na forbartha beartaithe mar atá san iarratas (mar shampla: Tionscadal Chearnóg an Bhaile, An Phríomhshráid, Baile an Bhaile, Co. Bhaile an Bhaile).
✔	Cárta dochair nó creidmheasa, ionas gur féidir leat an táille cheart a íoc.

Conas a úsáidim an t-uaslódálaí?

Is féidir le daoine den phobal tuairimí a chur isteach ar líne tríd an leathanach cáis ar leith le haghaidh achomharc reatha i leith iarratas ar fhorbairt chónaithe mhórscála, Tuairim a Thabhairt maidir le hAchomharc i leith Forbairt Chónaithe Mhórscála Leathanach 16 de 26 áit ar féidir an t-uaslódálaí a rochtain. Chun an leathanach cáis iomchuí a aimsiú, féach ár saoráid cuardaigh cásanna anseo. Ansin, tabharfaidh an t-uaslódálaí thú trí na ceithre leathanach/chéim chun do dhoiciméad a uaslódáil.

Leathanach 1	Réamhrá
Leathanach 2	Ní mór duit na nithe seo a leanas a thabhairt ar an leath uachtair den leathanach seo: • uimhir thagartha cáis an Choimisiúin Pleanála don iarratas, nó • ainm agus suíomh na forbartha beartaithe mar atá san iarratas. Is féidir leat do thuairim a cheangal sa leath íochtair den leathanach seo. Is féidir leat do thuairim a uaslódáil agus a cheangal isteach sa bhosca liath trí chliceáil ar an gcnaipe: Nuair a bheidh an tuairim uaslódáilte, beidh sí le feiceáil sa bhosca liath.
Leathanach 3	Ní mór duit na nithe seo a leanas a thabhairt ar an leathanach seo: • d’ainm, agus • do sheoladh ríomhphoist sa dá bhosca ar leith, chun a chinntiú go bhfuil do sheoladh ríomhphoist ceart againn. Más gníomhaire thú atá ag uaslódáil tuairime thar ceann cliaint, ní mór duit d’ainm agus do sheoladh ríomhphoist féin a thabhairt
Leathanach 4	Ar an leathanach seo, fiafrófar díot an bhfuil tú réidh leis an tuairim a thabhairt: Má tá, bogfaidh tú chuig an rannán íocaíochtaí chun an táille a íoc. Mura bhfuil, is féidir leat dul ar ais chun athruithe a dhéanamh. Sa rannán íocaíochtaí, iarrfar ort an táille atá tú ag iarraidh a íoc a roghnú: Tuairim – €50 Iarrfar ort ansin do mhionsonraí cárta dochair nó creidmheasa a thabhairt. Seiceáil na mionsonraí go cúramach agus iad á n-iontráil agat. Nuair a bheidh tú réidh, cliceáil ar Íoc agus críochnaigh, agus cuirfear do thuairim isteach.
Leathanach 5	Nuair a bheidh an próiseas críochnaithe go rathúil, feicfidh tú an scáileán Deimhniúcháin. Seolfar admháil chugat le ríomhphost freisin á dheimhniú go bhfuaireamar do thuairim. Más rud é go mbeidh aon fhadhbanna ann, lean na treoracha ar an scáileán.

Cá mhéad ama atá agam chun an próiseas uaslódála a chríochnú?

Níl aon teorainn ama ann le haghaidh an próiseas uaslódála a chríochnú. Mar sin féin, más rud é go ndúnfaidh tú an leathanach agus go bhfágfaidh tú an próiseas, beidh ort tosú arís as an nua

An íocfaidh mé an táille nuair a uaslódálfaidh mé an doiciméad?

Íocfaidh. Beidh cárta dochair nó creidmheasa ag teastáil uait chun an táille riachtanach a íoc. Déan cinnte de go mbeidh dóthain airgid agat i do chuntas toisc go dtógfar an íocaíocht nuair a uaslódálfaidh tú do dhoiciméad. Tuairim a Thabhairt maidir le hAchomharc i leith Forbairt Chónaithe Mhórscála

An bhféadfaidh mé an doiciméad a uaslódáil agus an táille a íoc ar leithligh?

Ní fhéadfaidh. Má tá an t-uaslódálaí á úsáid agat, ní fhéadfaidh tú íoc ach amháin le cárta dochair nó creidmheasa. Má tá tú ag iarraidh an táille a íoc trí aon mhodh eile íocaíochta, beidh ort ceachtar de na nithe seo a leanas a dhéanamh:

• do thuairim a sheoladh chugainn leis an bpost, nó
• do thuairim a sheachadadh de láimh ar bhall foirne inár n-oifig.

An gá dom an t-uaslódálaí a úsáid chun mo thuairim a sheoladh isteach?

Ní gá. Féadfaidh tú do thuairim a sheoladh leis an bpost nó í a sheachadadh i bpearsa ar ár n-oifig. Tá tuilleadh mionsonraí ar fáil ar leathanach 19.

An bhféadfaidh mé an t-uaslódálaí a úsáid chun mo thuairim a chur isteach agus ábhair thacaíochta a sheoladh leis an bpost freisin?

Ní fhéadfaidh. Más mian leat ábhair thacaíochta amhail grianghraif chlóite, líníochtaí páipéir nó DVDanna a chur ar áireamh mar chuid de do thuairim, beidh ort do thuairim a sheoladh leis an bpost nó í a sheachadadh i bpearsa ar ár n-oifig.

An bhféadfaidh mé an t-uaslódálaí a úsáid agus cóip pháipéir den tuairim chéanna a sheoladh leis an bpost freisin?

Ní fhéadfaidh. Ná húsáid ach modh amháin chun do thuairim a sheoladh, cibé acu ar líne ach an t-uaslódálaí a úsáid nó ar pháipéar (ach an tuairim a sheoladh leis an bpost nó í a sheachadadh i bpearsa).Táim ag teacht ar fhadhbanna maidir leis an uaslódálaí a úsáid.

Cé na daoine lenar féidir liom teagmháil a dhéanamh?

Má tá tú ag teacht ar fhadhbanna maidir leis an uaslódálaí a úsáid, déan teagmháil lenár ndeasc chabhrach trí ríomhphost a sheoladh chuig onlinesupport@pleanala.ie.

An ndéanfaidh tú teagmháil liom le ríomhphost le linn an phróisis iarratais?

Ní dhéanfaidh. Le linn an phróisis iarratais, scríobhfaimid chugat trí litir a sheolfar leis an bpost. Ní bhfaighidh tú aon ríomhphost uainn ach amháin chun a dheimhniú go bhfuaireamar do dhoiciméad tuairime.

An illustration of cityscape.