FBS: Iarratais

An pobal a chur ar an eolas faoi iarratas a rinneadh

Sula ndéanfaidh sé iarratas chuig an mBord Pleanála, ní mór don iarratasóir ionchasach fógra faoin iarratas beartaithe a fhoilsiú i nuachtán amháin ar a laghad a scaiptear sa limistéar ina bhfuil an fhorbairt bheartaithe le bheith. I bhformhór na gcásanna, beidh fógraí suímh ag teastáil freisin.
 
Déanfaidh na fógraí seo:

• ainm an iarratasóra a thabhairt,
• sonraí faoi nádúr agus suíomh na forbartha beartaithe a thabhairt,
• a rá cibé an gá Tuarascáil Measúnachta Tionchair Timpeallachta agus an bhfuil ceann ullmhaithe ag an iarratasóir,
• a rá cibé an gá Ráiteas Tionchair Natura (NIS) agus an bhfuil ceann ullmhaithe ag an iarratasóir,
• na hamanna agus na háiteanna inar féidir an t-iarratas, Tuarascáil Measúnachta Tionchair Timpeallachta nó Ráiteas Tionchair Natura a fheiceáil agus cóipeanna de cheannach a thabhairt,
• a rá gur gá iarratas a dhéanamh chuig an mBord Pleanála ar chead nó ceadú pleanála ag brath ar an gcineál cáis,
• a rá cad iad na cineálacha cinntí is féidir leis an mBord a dhéanamh,
• a rá gur féidir leis an bpobal tuairimí a thabhairt don Bhord Pleanála ar an bhforbairt bheartaithe (tabharfar sé seachtaine ar a laghad chuige sin), agus
• a rá gur féidir le comhlachtaí forordaithe tuairimí a thabhairt don Bhord Pleanála ar an iarratas beartaithe

Foilseoidh an Bord Pleanála sonraí an iarratais a fuaireamar sa liosta seachtainiúil de chásanna nua ar ár suíomh gréasáin.
 
 

Cóipeanna den iarratas a fheiceáil nó a fháil

Tá dhá shlí le cóipeanna den iarratas a fheiceáil nó a fháil.

Ag glacadh páirte sa phróiseas iarratais

Is féidir le duine ar bith tuairim a thabhairt don Bhord Pleanála laistigh den tréimhse ama a cheadaítear. Is é an tréimhse ama sé seachtaine ar a laghad ón dáta a shonraítear san fhógra nuachtáin nó san fhógra láithreáin. Is í an tréimhse ama a shonraítear san fhógra an tréimhse ama chéanna inar féidir leat cóipeanna den iarratas a fheiceáil agus a cheannach.
 
Sula dtugann tú tuairim, is féidir leat na cáschomhaid chinnte seo a léamh trínár seirbhís rochtana poiblí.

Má tá tuairim á tabhairt agat, ba chóir go mbeadh do thuairimí ann faoi éifeachtaí féideartha na forbartha beartaithe ar:

• pleanáil chuí agus forbairt inbhuanaithe an cheantair,
• timpeallacht na forbartha beartaithe, agus
• láithreán Eorpach, más cuí.

TTá riachtanais eile ann le go mbeidh an tuairim bailí. Ní mór duit:
 

 
Mínítear iad seo ar shlí níos iomláine inár dtreoir maidir le conas tuairim a thabhairt ar iarratas ar fhorbairt bonneagair straitéisigh.
 
Le linn an phróisis iarratais, féadfaidh an Bord Pleanála cinneadh a dhéanamh éisteacht ó bhéal a reáchtáil nó féadfaidh sé a chinneadh faisnéis shuntasach bhreise a iarraidh faoin iarratas.
 
Má tá tuairim á tabhairt agat, áfach, tá sé an-tábhachtach go n-ullmhaíonn tú d’fhorais tuairime (cúiseanna agus argóintí) go cúramach agus aon doiciméid is mian leat a chur san áireamh. Ní bheidh cead agat aon rud eile a chur isteach tar éis an tuairim a thabhairt, ach amháin má iarraimid ort. Ní féidir leis an mBord Pleanála aon saincheist a chur san áireamh nach saincheist phleanála í.